"Қазпошта" АҚ 2017 жылдан бері сәлемдемелерді жеткізу мерзімін 16 күннен 6 күнге дейін қысқартқан. Компания жеткізудің осы жаздан бастап тағы үш күнге қысқаратынын хабарлады.
"Қазір біз ауқымды жұмыстар жасап жатырмыз. Шамамен жаздың ортасынан бастап сәлемдемелерді жеткізу мерзімі 3 күнге дейін қысқартылады. Кез-келген сәлемдеме үш күнде жетуі керек", – деді басқарма төрағасы Сәкен Сәрсенов РrimeМinister.kz-ке берген сұхбатында.
Компания басшысы сондай-ақ қызметкердің қатысуынсыз, автоматтар арқылы қызметтерді ала беруге болатын цифрлық кеңселер ашылып жатқаны туралы хабарлады. Бұған қоса, жаңа қызмет – әмбебап агент пайда болған.
"Қазпошта" АҚ ауылдық жерлерде клиенттерге әртүрлі қызмет түрлерін – ХҚКО, медициналық ұйымдар, білім беру мекемелері және өзге де көптеген қызметтерін қашықтан алуға мүмкіндік беретін жабдықтарын орнатып жатыр.
