"ҚазТрансОйл" АҚ "Транснефть" ЖАҚ-қа "Адамова застава" мұнай тапсыру пунктінің бағыты бойынша Германияға мұнай тасымалдау үшін маршруттық тапсырманы рәсімдеуге тапсырыс жіберді.
Бұл туралы компанияның жұртшылықпен байланыс және ішкі коммуникациялар департаментінің директоры Шыңғыс Ілиясов хабарлады, деп жазады inbusiness.kz тілшісі.
"2022 жылдың желтоқсан айында "ҚазТрансОйл" АҚ 2023 жылы 1,2 млн тонна қазақстандық мұнайды "Транснефть" ЖАҚ магистралды мұнай құбырымен "Адамова застава" мұнай бекеті арқылы Германияға жеткізуге өтінім берген болатын. Мұнайдың бұл транзиті Қазақстан Республикасы мен Ресей Федерациясы үкіметі арасындағы 2002 жылғы 7 маусымдағы келісім шеңберінде жүзеге асады", – деп жазылған хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
