"Қазақстанның Даму Банкі" АҚ ("Бәйтерек" Ұлттық басқарушы холдингі" АҚ еншілес ұйымы, бұдан әрі – ҚДБ, Банк) журналистер арасындағы республикалық байқауының қорытындысын шығарды. Қазылар алқасы Банкпен қаржыландырылған жобалар туралы үздік материалдардың авторларын анықтады.
Барлығы ҚДБ-мен қаржыландырылған жобалар туралы үздік материалдар байқауына республикалық және өңірлік бұқаралық ақпарат құралдарынан 17 журналист қатысты. Қазылар алқасы "Хабар", "24.kz", Atameken Business, "Алау-ТВ" телеарналары, "Капитал", "Егемен Қазақстан", "Курсив", "Кызылординские Вести", "Индустриальная Караганда", "Огни Мангистау" газеттері, "Интерфакс-Қазақстан", Kolesa.kz, Vlast.kz интернет-басылымдары мен агенттіктері тілшілерінің өтінімдерін қарады.
Материалдар тақырыптың өзектілігі және маңыздылығы, материалды ашу толықтығы, стилистика және мазмұндаудың сонылығы сияқты қағидалар бойынша бағаланды.
Байқау қорытындысы бойынша ұсынылған жұмыстардың ішінен үздіктері анықталды:
"ҚДБ қызметін белсенді және білікті жеткізгені үшін" - Александр Константинов, Atameken Business;
"Банк қызметі туралы үздік сұхбат" - Айгүл Жамалова, Atameken Business;
"Үздік репортаж" - Марат Тоқмағамбет, "Хабар" агенттігі" АҚ;
"Өңірлік БАҚ-тағы үздік материал" - Абдрахман Еңсеген, "Кызылординские Вести" газеті.
Байқау жеңімпаздары құрмет грамоталарымен және бағалы сыйлықтармен марапатталды. Байқау комиссиясына "Казахстанская правда" газетінің бас редакторы Татьяна Костина басшылық етті.
Байқау туралы ақпарат: өтінім қабылдау 2016 жылғы 26 шілдеден бастап 01 желтоқсанға дейін өткізілді. Байқауға қатысуға теле- немесе радиоарналарда 2016 жылғы 1 қаңтардан бастап 01 желтоқсанға дейін қоса алғанда баспа БАҚ-да немесе Интернет-ресурстарда жарияланған немесе эфирге шыққан конкурстық жұмыстар қабылданды. Конкурстың негізгі мақсаты ірі индустриялық жобаларды іске асыру мәселелерін, сондай-ақ Қазақстанның қаржы нарығындағы оқиғаларды жеткізетін журналистер мен редакция ұжымдарының шығармашылық қызметін ынталандыру болды.
