Кедейлікпен күрес бағдарламасын қабылдау ұсынылды

Кедейлікпен күрес бағдарламасын қабылдау ұсынылды

21 Маусым 2021 13:07 488

Кедейлікпен күрес бағдарламасын қабылдау ұсынылды
Коронавирус пандемиясы салдарынан қазақстандықтардың тұрмысы нашарлаған.  

Елімізде кедей отбасылардың нақты санын анықтап, кедейлікпен күрестің мемлекеттік бағдарламасын немесе жобасын қабылдау керек. Бұл туралы Парламент палаталарының бірлескен отырысында Сенат депутаты Әли Бектаев айтты, деп хабарлайды inbusiness.kz тілшісі.

Сенатордың айтуынша, кей тұрғындар арасында масылдық психологиясы меңдей бастаған.

«Ал масылдық кедейшілікке алып келетін төте жол. Соңғы 5 жылда әлеуметтік шығыстардың 2 есе артуына қарамастан кедейлік шегінен төмен өмір сүріп жатқан халықтың үлесі 2,5%-дан 4%-ға өскен. Ал 2020 жылы СOVID-19 пандемиясы салдарынан жағдай шиеленісе түскен. Дүниежүзілік банктің мәліметінше, кедей тұрғындардың үлесі 14%-ға жетуі мүмкін», - деді сенатор. 

Әли Бектаев бұл кем дегенде 2,3 млн адам екенін, олардың негізгі бөлігі ауылдарда тұратынын атап өтті.

«Бізде де Қытай мен Өзбекстан сияқты шынында кедей отбасылардың нақты санын анықтап, олардың кедейлік шегінен шығарудың нақты шараларын белгілейтін кедейлікпен күрестің мемлекеттік бағдарламасы немесе жобасы қабылдануы керек. Әсіресе, ауыл тұрғындарының табысын көбейте отырып, халықтың орта табын қалыптастырудың маңызы зор деп есептейміз», - деді депутат.

Сенатор бюджетті қалыптастыру көрсеткіштері мен индикаторларын да қайта қарайтын кез келді деген пікірде.

«Тұрғындарды тұратқы табыс пен азық-түлікпен қамтылуы, тамақ өнімдерінің қолжетімділігі мен бағасының тұрақтылығы және азық-түлік өнімдерінің сапасы мен қауіпсіздігі сияқты мақсатты көрсеткіштер мемлекеттік жобалардың негізгі бағыттары болуы керек», - деп түйіндеді сөзін Әли Бектаев.

Дәурен Ерболат

163499

Ұқсас материалдар:

sporttyk-gimnastikadan-songy-irikteu-turnirine-kimder-katysady

mazhilismen-ukimet-ulttyk-korsyz-kalu-kaupi-baryn-tusinui-kerek

aksh-pen-resej-askeri-odak-kura-ala-ma

bas-prokuratura-113-pedofil-kamaldy

almatyda-sporttyk-kuzga-ormeleushiler-olimpiada-kunin-atap-otti

загрузка

×