/img/tv1.svg
RU KZ
Кейбір жолаушылар пойыздарының жүру мерзімі артады

Кейбір жолаушылар пойыздарының жүру мерзімі артады

Қазақстанда қазан мен қараша айларында бірқатар пойыздардың жүру жиілігін арттыру жоспарланып отыр, деп хабарлайды «Жолаушылар тасымалы» АҚ баспасөз қызметі. 

26 Қыркүйек 2020 13:46 236

Кейбір жолаушылар пойыздарының жүру мерзімі артады

Сенбі күні таратылған хабарламада «Жолаушылар тасымалы» АҚ келесі жолаушылар пойыздарының жүру мерзімділігі артқанын айтады:

№1/2 «Алматы-2 – Шымкент» аптасына 1 реттен 3 ретке дейін, Алматыдан-2-ден 2020 жылдың 10 қазанынан бастап, ал Шымкенттен 2020 жылдың 11 қазанынан бастап;

№11/12 «Алматы-2 – Шымкент» аптасына 2 реттен 4 ретке дейін, Алматыдан-2-ден 2020 жылдың 13 қазанынан бастап, ал Шымкенттен 2020 жылдың 14 қазанынан бастап;

№31/32 «Алматы-2 – Павлодар» 2020 жылдың 11 қазанынан бастап Алматыдан, 2020 жылдың 12 қазанынан бастап Павлодардан күн сайын жөнелтіледі;

№603/604 «Нұр – Сұлтан Нұрлы жол – Арқалық» 2020 жылдың 2 қарашасынан бастап Нұр-Сұлтаннан, 2020 жылдың 3 қарашасынан бастап Арқалықтан күн сайын жөнелтіледі.

KTZ Express жаңа контейнерлік қызметті іске қосты

Контейнерлік пойыздың құрамы 44 қырық футтық контейнерден тұрады.

12 Мамыр 2020 16:04 263

Алғаш рет Қытай-Түрікменстан бағытындағы контейнерлік пойыз Қазақстан арқылы жүріп өтті. Бұл туралы «Қазақстан темір жолы» ҰК» АҚ баспасөз қызметі хабарлады.

Пойыз Қытайдың Цзинан-Нан стансасынан жіберіліп, қазақстандандық шекара стансалары Хоргос, Алтынкөл және Болашақ арқылы Түрікменстанның Гыпджак стансасына бағыт алды.

Контейнерлік пойыздың құрамы 44 қырық футтық контейнерден тұрады.

Пойыздың межелі жерге дейінгі жалпы жол жүру уақыты – 8 күн.

KTZ Express клиенттері үшін жаңа контейнерлік қызметтің артықшылықтары –Қытайдан Түркіменстан нарығына тауарларды жеткізу уақытының оңтайлылығы. Жаңа контейнерлік пойыз сауда-экономикалық ынтымақтастық үшін қосымша мүмкіндіктер аша отырып жүк тасымалының көлемін арттырады.

KTZ Express – «Қазақстан темір жолының» еншілес компаниясы.

Құралай Құдайберген

Ресей Қазақстан арқылы Қытайға ағаш тасымалын ұлғайтпақшы

«Достық» стансасы арқылы ай сайын 150 вагон ағаш жөнелтіледі.

24 Сәуір 2020 09:20 395

Қытай тарабы Ресейден сатып алатын ағашты Достық стансасы арқылы тасымалдауға құлықты. Қазақстандық KTZ Express компаниясымен арадағы келісім қайта қаралып, тасымал көлемі ұлғайтылды.

«Қазақстан темір жолы» ұлттық компаниясының баспасөз қызметі таратқан мәлімет бойынша, Ресейдің Злобино, Базайха, Красноярск, Лесосібір, Чунояр стансаларына жиналған ағаштың бәрі енді Достық стансасы арқылы Қытайдың Чунцин, Чэнду, Сиань және Ланчжоу қалаларына жөнелтіледі.

«Айлық трафик көлемі әрқайсысы 40 футтық 50-62 контейнерден тұратын 15-30 пойызды құрайды. Аталмыш бағыттағы тасымалға сұраныс артқандықтан,KTZ Express 2020 жылдың наурызынан бастап жеке ғана емес, маршрутқа тартылған контейнерлерді іске қосты», – деп жазылған хабарламада.

Ресми мәлімет бойынша, 2020 жылдың алғашқы 3 айында Қытай-Ресей-Қытай бағыты бойынша шамамен 7,9 мың ЖФЭ (20 футтық эквивалент) ағаш тасымалданған.

Еске салсақ, Ресей тарабы Қазақстан арқылы Қытайға ағаш тасымалдауды 2018 жылы жандандырған болатын.