Еліміздегі дәріханалар саны қысқаруы мүмкін. Өйткені келер жылдан бастап медициналық препараттың бәріне шекті баға орнатылады, деп хабарлайды Atameken Business.
Олардың 40 пайызы "СК-фармация" арқылы тікелей өндірушілерден сатып алынбақ.
Денсаулық сақтау вице-министрі Алексей Цойдың айтуынша, бұл бюджет қаржысының 12 пайызын үнемдеуге және халық үшін дәрі-дәрмек бағасының тұрақталуына көмектеседі. Ал сенат депутаты Мұрат Бақтиярұлы фармацевтика саласындағы бәсекелестікке кері әсер етеді деп есептейді.
"Мына заң бойынша бүкіл "СК-фармацияға" біз жүздеген млрд береміз, ал одан бөлек кәсіпкерлер бар. Олар Украина, Белоруссия, Индиядан дәрі-дәрмек әкеледі. Мен олармен сөйлестім, көбі қарсы. Біз кәсібімізді жабамыз дейді", - деп пікір білдірді Мұрат Бақтиярұлы .
