Оның ішінде 2 мыңнан астам медициналық пункт, 800 фельдшерлік-акушерлік пункт, мыңнан астам дәрігерлік амбулатория, 200-ден астам емхана және 203 аурухана бар.
2023 жылдан бастап "Ауылдық денсаулық сақтауды жаңғырту" ұлттық жобасы жүзеге асырылмақ, деп жазады inbusiness.kz.
"Алдағы екі жылда 655 алғашқы медициналық-санитариялық көмек көрсету нысандары, 32 ауданаралық көпсалалы ауруханалар ашылатын болады. Бұл мақсаттарға 217 млрд. теңгеден астам қаржы бөлінеді", – деді Мәжілістің вице-спикері Балайым Кесебаева.
Денсаулық сақтау министрі Ажар Ғинияттың айтуынша, бұл жоба негізгі 2 мінжетті қамтиды. Біріншісі – жетіспейтін алғашқы медициналық-санитариялық көмек ұйымдарын салу арқылы ауылдық елді мекендерді медициналық инфрақұрылыммен қамтамасыз ету.
"Екіншісіне заманауи медициналық жабдықтармен жабдықталған негізгі 5 орталықты қосымша орналастыра отырып, заманауи көпбейінді ауданаралық орталық ауруханалар желісін ұйымдастыру жатады", – деді ведомство басшысы Мәжілісте өткен Үкімет сағатында
