Келесі жылы елімізге 3-4 жолбарыс жеткізіледі. Сонымен бірге, биоалуантүрлілікті сақтау бағытындағы жұмыстары күшейтілмек, деп хабарлайды Inbusiness.kz сайты.
– Биыл тиісті Тұжырымдаманы бекіту жоспарлануда. Жалпы алғанда елімізде сирек кездесетін жануарлар түрлері: арқар, жейран, құлан және тоғай бұғысының саны артып келеді, – деді министр.
Ерлан Нысанбаев Тұран жолбарысы мен Кертағы (Пржевальский) жылқысын қайта жерсіндіру бойынша ауқымды жобалар жүргізіліп жатқанын айтты.
– Прага зообағымен бірлесіп, 2024-2025 жылдары 14 Кертағы жылқысы елімізге жеткізілді, 2026 жылдың маусым айында тағы да 7-8 жылқыны әкелу жоспарланып отыр. Ресей Федерациясымен уағдаластық бойынша Жолбарысты қайта жерсіндіру бағдарламасы жүзеге асырылып жатыр. 2026 жылы 3-4 жолбарыс әкелу жоспарланып отыр, – деді ол.
