Өндірушілердің айтуынша, егер келісімсіз Brexit салдарынан осы сала Дүниежүзілік сауда ұйымының ережелерін орындайтын болса, алдағы бес жылда өндірілетін көлік саны 1,5 миллионға қысқарады. Бұл туралы The Guardian басылымы хабарлады.
Көлік өндірушілер мен сатушылар қоғамының мәліметіне сүйенсек, тарифтердің кесірінен келетін шығын бір жылда 3,2 млрд фунт стерлингке артуы мүмкін.
12 желтоқсан күні Ұлыбританияда парламенттік сайлау ұйымдастырылады. Саяси доданың өткізілуін елдің премьер-министрі Борис Джонсон ұсынған болатын. Джонсон парламенттің жаңа құрамы Brexit туралы келісімді қолдайды деген пікірде. Бұған дейін депутаттар Брюссельмен келісімді бірнеше мәрте мақұлдамай тастаған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
