Кемерово облысының экс-губернаторы (аймақты 1997-2018 жылдар аралығында басқарған) Аман Тулеев 79 жасында қайтыс болды, деп хабарлады облыстың қазіргі басшысы Сергей Цивилев. Бұл туралы inbusiness.kz сайты РБК жаңалықтарына сілтеме жасап хабарлайды.
"Бүкіл өмірі Кузбасс пен Ресейде қызмет етуге арналған жарқын жүзді, ерекше адам Аман Гумирович Тулеев өмірден озды. Бұл орны толмас қайғы", - деп жазды ол.
Цивелев аймақтағы тұтас бір дәуір Тулеевпен байланысты екенін және Кузбассты дағдарыстан шығара алғанын атап өтті.
"Кузбасс тұрғындары Аман Гумировичті өз қызметінде әрқашан халықтың мүддесін бірінші орынға қоятын нағыз халық губернаторы ретінде еске алады. Аман Тулеевтің жарқын бейнесі әрдайым біздің жадымызда", - деп қорытындылады саясаткер.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
