Кең жолақты интернеттің жылдамдығы бір жылда 29%-ға өсті

Кең жолақты интернеттің жылдамдығы бір жылда 29%-ға өсті

19 Қараша 2021 12:43 382

Кең жолақты интернеттің жылдамдығы бір жылда 29%-ға өсті

Қызмет құны әлемдегі ең төмен бағалардың бірі болып табылады.  

Былтыр Speedtest Global Index бойынша әлемдегі орташа интернет жылдамдығы айтарлықтай өсті. Осылайша, тіркелген кең жолақты ғаламтор жылдамдығы 32,1%-ға өсіп, 113,25 Мбит/с (айына + 2,7%) құрады, деп хабарлайды inbusiness.kz тілшісі finprom.kz-ке сілтеме жасап.

Бұл ретте мобильді интернет жылдамдығы биылғы жылдың қыркүйек айында орта есеппен 63,15 Мбит/с дейін (айына +11,3%), яғни 75,6%-ға өсті.

Қазақстанда да өткен жылмен салыстырғанда интернеттің орташа жылдамдығы айтарлықтай өсім көрсетті. 2021 жылдың қыркүйек айының соңында кең жолақты интернет жылдамдығы 63,28 Мбит/с-қа (жылына 28,8%-ға) жетті. Өз кезегінде мобильді интернет жылдамдығы 31,74 Мбит/с дейін өсті (жылына бірден 58,9%-ға).

Айта кететіні Қазақстанда тіркелген интернет жылдамдығының тұрақты өсіп келе жатқанына және күткендей мобильді интернет жылдамдығынан екі еседен астам жоғарылағанына қарамастан, қызмет құны әлемдегі ең төмен көрсеткіштердің бірі болып табылады. Интернет құны бойынша елдер рейтингінде Қазақстан жетекші орындардың бірін алады.

Осылайша, еліміз бойынша тіркелген кең жолақты интернет пакетінің орташа айлық құны 11,5 долларды құрайды.  Республикамыз сауалнамаға қатысқан 169 елдің ішінде 7-орында.

Осы талап бойынша "ең арзан" елдердің ТОП-10-ына ТМД-ның тағы төрт мемлекет – Украина (1-орын), Ресей (2-орын), Беларусь (6-орын) және Молдова (8-орын) кіреді.

Қызметтердің ең жоғары бағасы Мавританияда (айына 773,2 доллар), Бурундиде (359,2 доллар) және Комор аралдарында (281,5 доллар) тіркелді.

Мобильді интернет құны бойынша Қазақстан 169 елдің ішінде 5-орында. ТМД елдері арасында ТОП-10-ға Ресей (3-орын), Қырғызстан (7-орын) және Украина (9-орын) кіреді.

Рейтингтегі ең "қымбат" елдер Бермуд аралдары, Экваторлық Гвинея, Тринидад және Тобаго. Шындығында, тіркелген кең жолақты интернет үшін де, мобильді интернет үшін де әлемдегі ең "ең арзан" ТМД елдері, ал ең "қымбат" Африка елдері. 

Құралай Құдайберген

Ұқсас материалдар:

sheteldegi-diplomattar-kazak-tilin-de-bilui-kerek-tokaev

kasym-zhomart-tokaev-zhumys-saparymen-almaty-kalasyna-bardy

vice-ministr-erlan-kiyasov-ushin-kuaryp-otyrmyn-kazybek-isa

atyrauda-zansyz-karu-ustagan-30-adam-anyktaldy

auyr-atletikadan-alem-chempionatyna-katysatyn-kazakstan-kuramasy-belgili-boldy

загрузка

×