Кепілді кредиттер мөлшерлемесі 40%-ға, ипотека бойынша 25%-ға төмендеді

Кепілді кредиттер мөлшерлемесі 40%-ға, ипотека бойынша 25%-ға төмендеді

14 Маусым 2021 13:44 526

 Кепілді кредиттер мөлшерлемесі 40%-ға, ипотека бойынша 25%-ға төмендеді
Кепілді несие пен ипотека бойынша сыйақы мөлшерлемесі бұрынғыдай 56% болмайды.  

ҚР Қаржы нарығын реттеу және дамыту агенттігі несиелік ұйымдар үшін қарыздың түріне қарай сыйақы мөлшерлемелерінің шекті мәндерін енгізді, деп хабарлайды inbusiness.kz

Айта кетейік, 2011 жылдан бастап банктік қарыздар мен микрокредиттердің барлық түрі бойынша жылдық тиімді сыйақы мөлшерлемесі (ЖТСМ) бірыңғай 56%-ды құрап келген еді. 

Енді жаңа Қаулы қабылдануына байланысты банктік қарыздар мен микрокредиттер бойынша сыйақының шекті мөлшерлемелері төмендегідей болды.
− кепілсіз банктік қарыздар бойынша ЖТСМ-нің шекті мәні 56% деңгейінде сақталды;
− кепілді банктік қарыздар бойынша ЖТСМ-нің шекті мәні 56%-дан 40%-ға дейін төмендетілді;
− ипотекалық тұрғын үй қарыздары бойынша ЖТСМ-нің шекті мәні 56%-дан 25%-ға дейін төмендетілді;
− микрокредиттер (кепілді және кепілсіз) бойынша ЖТСМ-нің шекті мәні 56% деңгейінде сақталды;
− 45 күнге дейінгі мерзімге 50 АЕК-ке дейінгі сомаға берілетін кепілді микрокредиттер бойынша номиналды сыйақы мөлшерлемесінің шекті мәні 30%-дан 20%-ға дейін төмендетілді.

Нақтылай кетсек, ЖТСМ – бұл банктің, банк операцияларының жекелеген түрлерін жүзеге асыратын ұйымның және микроқаржылық қызметті жүзеге асыратын ұйымның қызметтері бойынша жылдық тиімді, салыстырмалы түрде есептелген сыйақы мөлшерлемесі. 

Қарыз бойынша ЖТСМ есебіне клиенттің негізгі борыш пен сыйақы бойынша төлемдері, сондай-ақ қарыз беруге және оған қызмет көрсетуге байланысты комиссиялар мен өзге де төлемдер кіреді.

Құралай Құдайберген
 

Ұқсас материалдар:

bajkonyr-garysh-ajlagynda-kansha-zhumysshy-vakcina-aldy

premer-ministr-askar-maminnin-akesi-uzakbaj-mamin-omirden-ozdy

atyrau-ekologiya-departamenti-sotka-22-shagym-zholdagan

aleumettik-korgau-bagdarlamasy-arkyly-aksha-zhane-baspana-alyp-beremin

almatyda-policiya-kyzmetkeri-zhayau-zhurginshini-kagyp-ketti

загрузка

×