Павлодарда автобус пен маршруттық таксиге пневматикалық тапаншадан оқ атқан жергілікті тұрғын ұсталды, деп хабарлайды облыстық полиция департаментінің баспасөз қызметі.
Ер адам өткен бейсенбі және жұма күні таңертең "екі автобус пен үш маршруттық таксиге оқ атылып, барлық көлікке зақым келген", - деп атап өтті полицияда.
Баспасөз қызметінің хабарлауынша, зардап шеккендер жоқ. Ұсталған азамат өз іс-әрекеттерін қоғамдық көлік сигналдарының шуымен байланыстырды. Оның тапаншасы тәркіленіп, "Бұзақылық" бабы бойынша қылмыстық іс қозғалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
