Meta-да (WhatsApp-қа иелік етеді) сейсенбі күні түстен кейін екі сағатқа созылған олқылықтың компанияның техникалық қателігінен туындағанын түсіндірді, деп хабарлайды inbusiness.kz Интерфаксқа сілтеме жасай отырып.
Meta өкілі хабарлағандай, "екі сағаттық ақау біздің тарапымыздан кеткен техникалық қатенің салдарынан болды".
"Біз мәселені шештік және келтірілген қолайсыздық үшін кешірім сұраймыз", – деп хабарлады компания.
WhatsApp желісі жұмысы бүкіл әлемде сейсенбі күні Астана бойынша сағат 13:00 шамасында тоқтап, шамамен екі сағатқа созылды. Қосымшаның жұмысына шағымдар әлемнің түкпір-түкпірінен, атап айтқанда Ұлыбританиядан, АҚШ-тан, Еуропадан, соның ішінде Ресейден түсті.
Соңғы рет Meta қызметтері, соның ішінде WhatsApp былтыр 6 сағатқа өшіп қалған болатын.
