Қазақстан қор биржасында (KASE) 2021 жылғы 9 маусымдағы 17:00-дегі саудада доллардың орташа бағамы 426,7 теңгені құрады, деп хабарлайды inbusiness.kz.
Осылайша 8 маусыммен салыстырғанда ұлттық валюта долларға қатысты 1,02 теңгеге нығайды.
KASE ақпаратына сүйенсек қор биржасындағы саудада ең төменгі бағам 1 доллар үшін 426,01 теңге, ең жоғары бағам – 427,50 теңге болған. Сағат 15:30-дағы саудада доллар 426,72 теңге көрсеткішіне тұрақтады.
Kurs.kz-тің хабарлауынша, елордалық ақша айырбастау пункттерінде АҚШ валютасы 426-428 теңгеден, Алматыда - 426,5-429 теңгеден сатылуда.
Ұлттық банктің 9 маусымдағы ресми (нарықтық) бағамы бір доллар үшін 427,83 теңгені құрайды. Теңгенің АҚШ долларына қатысты ресми бағамы келесі күні Қазақстан қор биржасындағы сауда-саттық нәтижелері бойынша белгіленді.
