Соңғы жылдары кибер қылмыс фактілері белең алуда. Accenture компаниясының дерегі бойынша, алдағы бес жылда шабуылдардан әлемдегі шағын бизнес 5,2 трлн доллар көлемінде қаражат жоғалтады. Қазіргі интернет шабуылдардың 43% кіші бизнеске қарсы бағытталған екен. Бұл көрсеткіш күн санап өсуде.
2019 жылы шағын кәсіпорындарға жасалған шабуылдан 200 мың доллардай шығын келген. Hiscox сақтандыру компаниясының мәліметі бойынша, салдарынан фирмалардың 60% алты айдан кейін жұмысын тоқтатқан екен.
Keeper Security дерегіне сүйенсек, қазіргі таңда шамамен 10 компанияның 7-еуі цифрлық қорғаныс үшін мүлдем қаражат бөлмейді.
"Қаскөйлер ойын жүзеге асыру үшін әбден дайындалады, қазіргі шабуылдар күрделеніп кеткен. Әрі шабуыл жасаушылар компьютерлік жүйенің әлсіз тұстарын тез анықтап алады", – дейді Darktrace компаниясының кибербарлау бойынша директоры Джастин Фиер.
Табиғат Нұрболат
