Ауыл шаруашылығы министрлігі киік етінің бағасын белгіледі, деп хабарлайды inbusiness.kz сайты.
Бұл туралы ведомствоның баспасөз қызметі хабарлады.
Бұған дейін Қазақстан өңірлерінің бірінде киіктер атыла бастағанын жазған едік. БҚО-да 6 комбинат киік етін өңдеуге әзір.
8 шілде күні Ауыл шаруашылығы министрі Айдарбек Сапаров он күннен кейін киік етінің келісі қаншадан сатылатыны белгілі болатынын айтты.
"Жұмыс енді басталды. Бұл мәселемен Экология министрлігі айналысып жатыр. Біздің міндет – ет комбинаттарын ақбөкен етімен қамтамасыз ету. Қазір 18 ет комбинаты бар. Ветеринарлар да бұған жұмылдырылды. Ет қандай бағамен қабылданатыны және сатылатыны логистикаға байланысты. 10 күннен кейін белгілі болады", – деді АШМ басшысы Үкіметте өткен брифингте.
