Солтүстік Корея басшысының брондалған пойызы Астана уақытымен 08:15-те Приморск өлкесіндегі Раздольная өзені арқылы теміржол көпірін кесіп өткені көрсетілген, деп жазады Inbusiness.kz "РИА Новости" сайтына сілтеме жасап.
Қазір пойыз солтүстікке қарай бет алды.
КХДР жетекшісі Ким Чен Ын Пхеньяннан пойызбен шығып, 10 қыркүйекте кешке Ресейге жол жүрді. Онымен бірге елдің СІМ басшысы мен әскери комитет басшысының орынбасары келеді.
Ресей президенті Владимир Путиннің баспасөз хатшысы Дмитрий Песков Ресей басшысының Ким Чен Ынмен кездесуі Қиыр Шығыста өтетінін айтты. Оның айтуынша, бірінші кезекте елдердің көшбасшылары екіжақты ынтымақтастыққа, сауда-экономикалық байланыстарға және мәдени алмасуларға байланысты мәселелерді талқылайды.
Сондай-ақ, Екі лидер Ресейдің әскери технологиясын Солтүстік Кореяның артиллериялық снарядтары мен ракеталарына айырбастау мәселесін талқыламақ.
