Солтүстік Корея басшысы Ким Чен Ын жексенбі күні Ресейдегі 6 күндік сапарын аяқтап, өзінің брондалған пойызымен еліне қайтты.
Ресейлік БАҚ-тың мәліметінше, Ким Чен Ын мінген пойыз Ресейдің алыс шығысындағы Артем қаласынан жолға аттанған.
Еске салайық, КХДР көшбасшысы Ресей президенті Владимир Путиннің шақыруымен Ресейге барды. Екі ел арасында әскери серіктестік орнауы мүмкін деген алаңдау үдеп тұрған сәтте, олар сәрсенбі күні "Восточный" ғарыш айлағында саммит өткізді.
Айта кетейік, бұл – Ким Чен Ынның билікке келгелі шет мемлекетке жасаған ең ұзақ сапары.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
