"Хутор" бандасының басшысы саналатын Хасан Қасымбаевтың анасы Мемлекет басшысынан істің әділ тергелуін талап етіп, көмек сұрады, деп хабарлайды inbusiness.kz тілшісі.
Ресми мәлімдемесінде Гүлнар Нұракенова ұлының жазықсыз екенін айтады.
– Құрметті Қасым-Жомарт Кемелұлы Тоқаевқа үндеу жариялаймын! Менің баламның ісін әділетті түрде шешіп беруіңізді, өз назарыңызға алуыңызды сұраймын! Баламды жазықсыздан-жазықсыз қаралап отыр. Оның ешқандай кінәсі жоқ. Соның бәрін зерттеу керек. Заң органдарынан жауап күтемін. Сол үшін келіп отырмын, – деді ол.
Еске салайық, Алматы облысы полиция департаменті тергеуді өз бақылауына алып отыр. Әзірге тергеу мүддесі үшін өзге ақпараттар жарияланбайды.
Бұған дейін Хасан Қасымбаевтың ұсталғанын жазған едік.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
