Қазақстанның Израиль мен Кипр Республикасындағы елшілігінің көмегімен Remedica деп аталатын кипрлік фармацевтикалық компаниясынан елімізге дәрі-дәрмектерді жөнелтілді. Олар "СК-Фармация" компаниясының Алматыдағы қоймасына жіберілген.
Ресми дерек бойынша, жүктің ішінде 9 мың дәрі-дәрмек пен 50 мың бетперде бар. Енді бұл гуманитарлық көмек Денсаулық сақтау министрлігінің қатысуымен өңірлерге таратылады. Дистрибьютердің сайтында дәрі-дәрмектер мен басқа да медициналық өнімдердің қалай үлестіріліп жатқанын көруге болады.
Remedica компаниясы "СК-Фармация" компаниясымен серіктестік орнатып, өз өнімдерін Қазақстанға дистрибьюциялауды көздеп отыр. Бұл компания –Кипрдегі жетекші фармацевтикалық компания. Оның өнімдері 160-тан астам елге сатылады. Қазіргі таңда Remedica-ның заманауи үлгідегі 5 зауыты бар, одан шыққан өнімдерді ЕО мен басқа да елдердің денсаулық сақтау органдары мақұлдаған.
Табиғат Нұрболат
