ҚМДБ төрағасы қос шәкіртке білім грантын табыстады

599

Білім грантына жаңаөзендік Айдос Болатұлы  мен Қуаныш Сайдолла ие болды.  

 ҚМДБ төрағасы қос шәкіртке білім грантын табыстады

Бүгін Қазақстан мұсылмандары діни басқармасының төрағасы Наурызбай қажы Тағанұлы Жаңаөзен қаласында қос шәкіртке білім грантын табыстады, деп хабарлайды muftyat.kz сайты.

"Біз Діни басқарманың 30 жылдық мерейтойы аясында 30 студентке қолдау көрсету игі жобасын қолға алған болатынбыз. Бұған дейін бірқатар облыста шәкірттерге білім грантын табыстадық. Мақсат – ел болашағы болған жастарымыздың толыққанды білім алуына көмектесу. Бүгін екі білім гранты Жаңаөзен қаласындағы қос шәкіртімізге бұйырып отыр. Алла Тағала білімдеріңді арттырып, ел игілігі жолында қызмет ете берулеріңе тілектеспін", - деп игі ниетін жеткізді Бас мүфти Наурызбай қажы Тағанұлы.

Қазақстан мұсылмандары діни басқармасы баспасөз қызметінің мәліметінше, ҚМДБ білім грантын иеленген екі шәкірттің бірі Айдос Болатұлы – "Нұр-Мүбәрак" университетінің бірінші курс студенті, екіншісі Қуаныш Сайдолла – Алматыдағы "Әбу Ханифа" медресе-колледжінің екінші курс шәкірті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу