Көк Төбедегі аттракциондардың бірінен жасөспірім құлап, жарақат алды, деп хабарлайды Алматы қалалық полиция департаментінің баспасөз қызметі.
Алматы полициясы баспасөз қызметінің хабарлауынша, оқиға 2 қаңтарда болған. 13 жастағы жасөспірім батуттан құлап кеткен.
"Ол құлап, аяғын сындырып, басымен соғылды. Зардап шеккен адам ауруханаға жатқызылды", – деп хабарлады ПД баспасөз қызметіндегілер.
Алматы денсаулық сақтау басқармасы өкілдері жасөспірімді Алматыдағы Балалар шұғыл медициналық көмек орталығына жедел жәрдем жеткізгенін мәлімдеді.
"Дәрігерлер қарады. Ол барлық қажетті медициналық көмекті толық көлемде алып жатыр. Баланың жағдайы тұрақты", – дейді дәрігерлер.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
