Көкшетауда өткен түні 22 жастағы жігіттің денесі табылды. Қайғылы оқиға туралы sinegor.kz басылымына марқұмның туыстары айтып берген, деп хабарлайды inbusiness.kz сайты.
Туыстарының айтуынша, қайғылы оқиға жігіттің неке қию рәсімі өткен күні болған. Бұл жайтқа қатысты Ақмола облысының полиция департаменті пікір білдірді.
"12 қарашада Көкшетаудағы көңіл көтеру орындарының бірінде Красный Яр ауылының 22 жастағы тұрғынын өлтіріп кеткен. Бұл дерек бойынша сотқа дейінгі тергеу амалдары жүргізіліп жатыр. Күдікті бірден ұсталды.
Бұл оқиғаға қатысы бар барлық адам ұсталды. Алты адамға қатысты сотқа дейінгі тергеу жүріп жатыр", – дейді полиция департаментінің өкілдері.
Ведомство бұл дерек ПД басшысының тікелей бақылауында екенін атап өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
