Көкшетаудың іргесіндегі ауылды су шайып, 43 адам қауіпсіз жерге көшірілді, деп хабарлайды inform.kz.
ТЖД мәліметіне жүгінсек, төтенше жағдай 11 сәуір күні таңғы 05:45 шамасында Зеренді ауданының Шағалалы ауылында болған.
"Шағалалы өзенінің суы көтеріліп, ауылдағы үйлердің ауласын су шайып кетті. Осының салдарынан 43 адам (оның ішінде 9 бала) және 154-ке жуық жануар қауіпсіз жерге көшірілді. Қазір су сору жұмысына ТЖД жеке құрамынан 21 адам және 9 техника мен 4 жүзу құралы, жергілікті атқарушы органдардан 3 адам және 1 техника, жергілікті полиция қызметінен 4 адам және 1 техника жұмылдырылып, су тасқынының салдарын жою шараларын жүргізіп жатыр", – дейді ТЖД баспасөз қызметі өкілдері.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
