Бұл туралы Орталық коммуникациялар қызметінде өткен баспасөз мәслихатында айтылды. Ауыл шаруашылығы министрлігі қоғаммен байланыс басқармасының басшысы Жасұлан Әбдіхалықтың айтуынша, биыл көктемгі егіс жұмыстарына бөлінетін жанармай көлемі әзірге белгісіз. Себебі, әр облыс өздеріне қажетті жанармай көлемін көрсетіп, анықтама жібереді. Соған байланысты көктемгі егіс жұмыстарына бөлінетін жанармай көлемі мен оның бағасы белгіленбек.
"Жалпы, биылғы көктемгі егіс жұмыстарына 21,8 млн гектар жер бөлінеді. Бұл өткен жылмен салыстырғанда 166 мың гектарға көп",– деп атап өтті Жасұлан Әбдіхалық.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
