"Елордадағы күрделі проблемалардың бірі қоқыстарды жинаудың заңсыз орындары болып отыр. Өте маңызды мәселе. Елорданың төңірегі немесе Ақмола облысының таяу жатқан аумағы құрылыс қоқыстарын жинаудың негізгі орнына айналған", – деді Президент.
Мұндай проблеманың бары рас. Бүгінде еліміздегі полигондарда 43 млрд тоннадан астам қоқыс жинаған. 43 млн емес млрд. Бұл дегеніміз еліміз қалдықтардың астында қалудың аз-ақ алдында тұр деген сөз. Оның үстіне жыл сайын 5-6 млн тонна қоқыс қосылатыны тағы бар. Қалдықтар жиналып жатыр, ал өңделуі мардымсыз. Тек 9 пайызы ғана өңделуде. Егер тұрмыстық қатты қалдықтар барынша жылдам жөнге келтірілмесе еліміз қоқыстың астында қалуы мүмкін. Түйткілдің түйінін қалай тарқатуға болады ? Оны студиямызға келген қонақтардан сұрап көрейін. Эколог Мұсағали Дуамбеков және Өндірушілердің кеңейтілген міндеттемелері бірыңғай операторының өкілі Жомарт Рақымжан.
