17 қыркүйекте Алматының тұрғындары мен қонақтары Қала күнін кең көлемде атап өтті. Қала әкімдігі аталған іс-шаралардан кейінгі коммуналдық қызметтердің жұмысы туралы айтып берді, деп хабарлайды Inbusiness.kz.
"Алматы Тазалық" мамандары мереке күндерінен соң әрдайым жұмыс көп болатынын айтты. Көбірек тазалау керек болады және жинау ұзақ уақытқа созылады.
"Осы мереке күндері қаланы 596 техника мен 1246 жол қызметкері жинап, екі күнде 520 м3 қоқыс шығарды", делінген хабарламада.
Бір қызығы, мереке кезінде Алматыда әлемдегі ең үлкен рубик текшелерінің мозаикасы орнатылды. Мозаика 5040 текшеден құрастырылып, Гиннестің рекордтар кітабына енді. Бұл рекорд әлемдік Рекордтар кітабының өкілі мен әкім Ерболат Досаевтың қатысуымен ресми түрде тіркелді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
