Алматы облысында қоларбаға таңылған мүгедек жан Үштөбе қаласында жазғы демалыс орнын ашып, кәсібін кеңейтті. Шатырлық мейрамхана - 150 адамға арналған. Мұнда 15 жұмысшы еңбекпен қамтылып отыр. Олар келген жұртшылыққа қызмет көрсетпек.
Жас кәсіпкер Бауыржан Жалдыбаев осыған дейін "Даму-көмек" арқылы 8 млн теңге несие алып, дүкен ашқан болатын. Ісін ілгерілетіп, енді міне, осы шаруаны қолға алды. Меймандардың демалып қайтуына бар жағдайды жасаймыз, - дейді ол.
Айта кетейік, Бауыржан осыдан, 7 жыл бұрын поъезд астына түсіп, қос аяғынан айрылған болатын. Апаттан кейін өмірге бейімделу қаншалықты қиын болса да, ол тағдырдың жазуына мойымай, қайта жігерін жігер қосып келеді.
Бауыржан Жалдыбаев, кәсіпкер: "Мен мүмкіндігі шектеулі жандар еш мойымай, үлкен мақсатқа талпынғанын қалаймын. Себебі, қандай жағдай болмасын, тағдырға кінә артпай тек алға басуы керек. Міне, осы мақсатта кәсіпкерлікті қолға алдым".
