2012-2016 жылдар аралығында көлік кәсіпорындарынан бюджетке түскен салық түсімдері 145,9 млрд теңгеден асады. Бұл туралы "ҚазАвтоПром" хабардар етті.
Көлік өндірушілер одағының ақпараты бойынша, салық төлемдерінің ең үлкен көлемі 2014 жылдың (43 млрд теңге), ең азы 2012 жылдың (16,1 млрд теңге) үлесінде. Одақ төрағасы Олег Алферовтың айтуынша, автобизнес 2016 жылы 18,9 млрд теңге төледі.
Төлем жүргізу бойынша "БИПЭК АВТО – Азия Авто" көш бастап тұр. Компанияның үлесіне түсімдердің 40,1%-ы (58,6 млрд теңге) тиесілі. Одан әрі Toyota Motor Kazakhstan (16%; 23,4 млрд теңге), КМК Astana Motors (14%; 20,5 млрд теңге). Үздік ондықты Урал-Кров (1,8%; 2,6 млрд тенге) тәмамдайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
