Бұл туралы Су ресурстары және ирригация министрі Нұржан Нұржігітов Үкімет отырысындағы брифингте айтты, деп хабарлайды inbusiness.kz сайты.
"Қазақстандағы жалпы су қорының 1,3 пайызын ауыз суға пайдаланамыз. 1 млрд 300 млн текше метр су. Осы мәселе көтерілген соң біз талдау жұмыстарын жүргіздік. Мысалы, 200 млн текше метрге жетпейтін су көлемі сервис орталықтарында, яғни автокөліктерді жууға пайдаланылады. Сонымен қатар, моншаларда да пайдаланылатын су көлемі бар. Енді сол кәсіпкерлер алған суда қайта пайдалану үшін Су Кодексіне норманы енгізіп отырмыз. Мәжілістің қарауында", – деп жауап берді министр Үкіметте өткен брифингте.
Оның айтуынша, енді кәсіпкерлер міндетті түрде белгілі бір мерзім ішінде суды қайта пайдалану құрал-жабдықтарын орнатуы тиіс. Нұржан Нұржігітов бұл мерзімнің әлі бекітілмегенін баса айтты.
