Қазақстанда дәстүрлі қолөнер мен ұлттық өнерді дамытуға бағытталған гранттық бағдарламаға өтінім қабылдау жалғасуда, деп хабарлайды inbusiness.kz сайты.
Креативті индустрияларды дамыту қоры жүзеге асырып жатқан "Халық қолөнері және бейнелеу өнері мектебі" жобасы аясында қолөнер шеберлеріне 5 миллион теңгеге дейін грант бөлінеді.
Бағдарлама ұлттық қолөнердің сирек кездесетін және ұмытылып бара жатқан түрлерін сақтауға, шеберлердің тәжірибесін жас буынға насихаттауға және креативті индустрияның дамуына қолдау көрсетуге бағытталған.
Грант иегерлері арнайы білім беру бағдарламаларына қатысып, оқушылар мен жастарға арналған шеберлік сағаттары мен тәжірибелік сабақтар өткізеді.
Өтінімдер 2026 жылғы 31 мамырға дейін электронды форматта қабылданады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
