Алматы облысы Полиция департаментінің мәліметінше, жол-көлік оқиғасы Кеген ауданындағы Қайыңды-Саты автожолының 4-шақырымында болған.
Toyota Sequoia автокөлігінің жүргізушісі рөлге ие бола алмай, көлік жол жиегіне шығып, аударылып кеткен, деп хабарлайды inbusiness.kz сайты.
Желідегі мәліметке сәйкес, көліктің ішінде шетелдік туристер отырған.
– Жол-көлік оқиғасы салдарынан 1 жолаушы оқиға орнында қаза тапты. Тағы 5 жолаушы түрлі жарақаттарымен аудандық ауруханаға жеткізілді, – деп хабарлады департаменттен.
Полиция жол-көлік оқиғасы дерегі бойынша қылмыстық істі тіркеп, оқиғаның мән-жайын анықтау үшін тергеу жұмыстарын жүргізіп жатыр. Көлік жүргізуші уақытша ұстау изоляторына қамауға алынды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
