Колумбияның өкілдер палатасы мемлекет басшысына қатысты тергеу жұмысын бастады. Бұл туралы жергілікті ақпарат құралдары хабарлап жатыр.
Тергеудің басталуына сенатор Аида Мерланоның мәлімдемесі түрткі болған. Яғни Мерлано қазіргі президенттің саяси додада жеңіске жету үшін заңсыз әрекеттерге барғанын Колумбияның бас прокуратурасы мен жоғарғы сотына айтыпты.
Ресми деректерге сүйенсек, сенатордың өзі сайлауда дауыс сатып алғаны және заңсыз түрде қару-жарақ сақтағаны үшін 15 жылға сотталған болатын. Істі болған ол әуел баста Венесуэлаға қашып кеткен еді, бірақ көп ұзамай құқық қорғаушылары оны қолға түсірді. Айтуынша, үкіметтің бұйрығымен оған қоқан-лоққы жасалып, тіпті қазіргі режимдегілер оны өлтірмек болған екен.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
