Елорда әкімі Алтай Көлгінов тегін маска бірінші кезекте медицина мамандарына, әскери адамдарға, полицияға, блок-бекеттердегі санитарлық қызметкерлерге, зейнеткерлерге, жедел жәрдем өкілдеріне және тіркеуде тұрған науқастарға берілетінін айтты.
"Жоғарыдағы санаттағы азаматтарға 300 мың медициналық маска таратылды. Ірі гипермаркеттерде тұтынушыларға 30 мың маска үлестірілді", – деді Алтай Көлгінов.
Оның сөзінше, қалаға 1 млн маска келген. Дегенмен тапшылық бар. "Europharma, Biospher, "Гиппократ" сынды дәріханалар желісі арқылы бір адамға 5 дана маска сатылып жатыр. Бұған қоса маска тігу қолға алынды", – деді шаһар басшысы.
Айтпақшы, гипермаркеттер мен супермаркеттерде жаңа талап енгізіліпті.
Бұл туралы Алтай Көлгінов былай деді: "Бұдан былай гипермаркеттер мен супермаркеттерде тұтынушылардан қол жуу талап етіледі. Санитайзерлер тұтынушыларды қатаң қадағалайды".
Қанат Махамбет
