Елімізде көмір өндірісі бір жылда 2%-ға азайды, деп жазады inbusiness.kz energyprom.kz порталына сілтеме жасап.
Осы жылдың қаңтар-шілде айларында Қазақстанда 65 млн тонна тас көмір, оның ішінде қоңыр көмір және көмір концентраты өндірілген. Ресурстың жазуынша, бұл былтырғыға қарағанда 2,1%-ға аз.
Өңірлік бөліністе Павлодар және Қарағанды облыстарына елдегі көмір, лигнит және көмір концентратын өндірудің барлық көлемінің 92%-ы тиесілі. Атап айтқанда, Павлодар облысында 39,2 млн тонна көмір, Қарағанды облысында 20,6 млн тонна көмір өндірілген. Үздік үштік қатарында Абай облысы да бар: 4,2 млн тонна.
2022 жылы республикада барлығы 117,8 млн тонна көмір өндірілді.
2023 жылдың қаңтар-маусым айларының қорытындысына сәйкес, Қазақстан 370,8 млн долларға 13 млн тонна тас көмірді экспорттады. Заттай мәнде экспорт көлемінің қысқаруы 20,4%, ақшалай мәнде 18,9%-ды құраған.
ТМД елдеріне 8,3 млн тонна көмір жөнелтілген. Бұл былтырғыға қарағанда 24,2%-ға аз. Қазақстаннан көмірді негізгі импорттаушы ел Ресей болды: 7,4 млн тонна. Негізгі үш елдің қатарында Қырғызстан мен Өзбекстан бар.
Әлемнің басқа елдеріне 4,7 млн тонна көмір экспортталды: -12,7%. Ақшалай мәнде экспорт көлемі 12,3%-ға қысқарған. Мұнда отандық көмірдің негізгі импорттаушылары Польша, Латвия және Түркия елдері болды.
