Оралда коммерциялық мақсаттағы жерлер тек аукцион арқылы сатылады, деп хабарлайды 24.kz.
Мамыр айында кәсіпкерлер өз бизнес жобалары үшін құны 5 миллионнан асатын 8 жер учаскесін сатып алған. Мұндай әдіс аймақта биыл бірінші рет қолға алынып отыр. Жазда өткен алғашқы аукционда 8 жер телімі сатуға шығарылып, бюджетке 5 миллион 200 мың теңге көлемінде пайда түскен. Алдағы айда тағы 5 учаске саудаланбақ. "Мақсат – қазынаны толтыру ғана емес, жер телімдерін беруде барынша ашықтықты қамтамасыз ету", – дейді шаһар басшылығы.
Қалада ауылшаруашылық жерлері де конкурстық негізде жалға беріле бастады. Сондай-ақ қазір облыс орталығындағы бос жатқан жерлердің электронды картасы жасақталды. Ол құжатты арнайы сайт арқылы барша кәсіпкерлер көре алады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
