"Қазақстан темір жолы" баспасөз қызметінің мәліметінше, пилоттық режимде "Жолаушылар тасымалы" АҚ 1 желтоқсаннан бастап 2023 жылғы 28 ақпанға дейін жөнелтілетін коммерциялық пойыздар вагондарындағы жоғарғы және төменгі орындарға жол жүру құнына сараланған тәсілді енгізеді.
"Жоғарғы және төменгі орындар арасындағы жол ақысының айырмашылығы 20%-ды құрайды. Жоба вагондағы орындарды біркелкі бөлу, сондай-ақ жолаушылардың төменгі орындарға деген сұранысын қанағаттандыру мақсатында жүзеге асырылады", – делінген хабарламада.
Сараланған тәсіл келесі бағыттарда қолданылады:
1. № 111/112 "Алматы-Маңғыстау";
2. № 51/52 "Алматы-Орал";
3. № 105/106 "Алматы-Петропавл";
4. № 71/72 "Астана-Шымкент";
5. № 29/30 "Алматы-Атырау".
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
