Компаниялардың зейнетақы қорынан алған қарызы артты. Осы жылдың 1 шілдесіндегі есепке сәйкес берешек мөлшері 41 млрд 150 млн теңгені құраған, деп хабарлайды Atameken TV.
Қор проблемалы эмитенттерден ақшаны қайтару үшін істі үш топқа бөліп қарастыруда. Оның алғашқысына оңалту шарасы қолданылуда. Мұндағы компаниялардың қарызы 16 млрд 200 млн теңге болған.
Екінші санатқа қатысты қор талап-арыздар мен сот ісін жүргізуде. Борышкерлер 17 млрд 400 млн теңге қайтаруға тиіс.
Айта кетейік, бұл топта 14 компания тіркелген. Үшінші кезекте тұрғандарға банкроттық рәсім жүзеге асырылуда. Қарыз мөлшері 7 млрд 500 млн теңге болған. Бұдан бөлек, өткен жылы зейнетақы қорына 1 млрд 250 млн теңге қаржы қайтарылған. Ал биыл бірінші жартыжылдықта 11 млрд 280 млн теңгесі берілген.
