2020 жылы елімізде цифрлық есептеу машиналарын шығару 6 есе өсті, деп хабарлайды inbusiness.kz тілшісі energyprom.kz-ке сілтеме жасап.
2021 жылдың бірінші айында Қазақстанда 538 бірлік сандық есептеу техникасы өндірілді. Бұл өткен жылдың осы айымен салыстырғанда 30,6%-ға артық.
2020 жылдың қаңтарында техника өндірісінің жылдық төмендеуі 64,8% болды.
2020 жылы 59,3 мың есептеу машинасы өндірілді. Бұл 2019 жылмен салыстырғанда 6 есе артық.
Өткен жылы цифрлық есептеу техникасы өндірісі толығымен Алматыда шоғырланды: мұнда 58,1 мың құрылғы шығарылды, 2019 жылмен салыстырғанда 6,8 есе көп.
Қарағанды облысында 1,1 мыңға жуық техника (-15,5%), Нұр-Сұлтанда – 124 техника, Жамбыл облысында – 24 техника (+20%) өндірілді.
Айта кетейік, Индустрия және инфрақұрылымдық даму министрлігінің мәліметінше, алғашқы отандық ноутбук пен планшет Петропавлдағы
Kazakhstan Engineering еншілес ұйымы С.М. Киров атындағы зауытта ZIKComputers маркасымен шығарылды.
Қазақстандықтарға ZIK компьютерінің 7 позициясы ұсынылып отыр.
ZIKcomputers желісінің өндірістік қуаты – жылына 100 мың бірлік компьютерлік техника. Оны жинауға қажет компоненттерді Great Wall компаниясы жеткізеді.
