Полиция бірден оқиға орнына жетіп, арнайы қызметкерлерді шақырды, деп жазады Inbusiness.kz әлеуметтік желідегі хабарламаларға сілтеме жасап.
"Аталған факті бойынша жедел-тергеу тобы дереу шығып, басқа да арнайы қызметтер хабарланды, келушілер арасынан 12 адам және 240 казино қызметкерлері эвакуацияланды. Саперлер тінту барысында жарылғыш құрылғылар мен механизмдер тапқан жоқ. Бұл факт ҚР ҚК 273-бабы ("Терроризм актісі туралы жалған хабарлама") бойынша қалалық полицияда тіркелді", - деді облыстық полиция бастығы Бауыржан Аленов.
Жедел-іздестіру іс-шаралары барысында полиция қызметкерлері 2007 жылы туған С. азаматын анықтады.
"Қазіргі уақытта оқиғаны объективті, толық және жан-жақты зерттеуге бағытталған барлық қажетті тергеу шаралары жүргізілуде", - деп толықтырды полковник Аленов.
