АҚШ Мемлекеттік хатшысының орынбасары Кристофер Ландау X желісінде Алматының әсем табиғаты мен халықтың ыстық ықыласына тәнті болғанын жазды, деп хабарлайды inbusiness.kz сайты.
"Алматы – Қазақстанның ең ірі қаласы әрі қаржы астанасы. Қала Іле Алатауының баурайында орналасқан. Қаладан небәрі жарты сағаттық жерде әлемге әйгілі "Шымбұлақ" тау-шаңғы курорты бар. Онда қазақ халқының қонақжайлығын шын сезіндік. Өзімді бүркіт пен жаңа қазақ достарымның ортасында үйдегідей сезіне бастадым!" – деді Кристофер Ландау.
Бүгін Серджио Гор мен Кристофер Ландау Қазақстанда жұмыс істеп жатқан америкалық компаниялар басшыларымен, іскерлік топ өкілдерімен кездесті.
Мәртебелі меймандарды Қазақстан Республикасы Президенті Әкімшілігінің Басшысы Айбек Дәдебай қарсы алды.
