"Көне Тараз музейін" салуға жұмсалған 1 млрд теңге желге ұшты
2015 жылы Қазақ хандығының 550 жылдығын мерекелеу кезінде Тараздың қақ ортасында ашылған "Көне Тараз музейінің" ғимараты сапасыз салынған болып шықты.
>Бұл туралы Мәжіліс депутаты Мейрамбек Төлепберген айтты, деп жазады
inbusiness.kz тілшісі.
"Төбесінен су сорғалады, жертөле үй-жайы жарамсыз, кәріз жүйесі, электрмен жабдықтау, желдету және жылыту, салқындату жүйелері мүлдем жұмыс істемейді", – деді депутат.
Бұл құрылысты салуға және сол уақытта музейлендіруге 1 млрд 200 млн теңгеге жуық қаржы жұмсалған.
"Осыншама мемлекет қаржысы ауаға ұшқанмен бірдей болады. Жергілікті атқару органдары бас мердігердің жұмысты сапасыз орындағаны үшін келісім-шартты бұзуы, одан кейін қайта жөндеу жұмыстарына жүгінуі ешқандай нәтиже берген жоқ. Жеті жылға жуық жұмыс істемей, көзге күйік болып, қаңқиып тұрған бұл музейдің тағдыры қалай болғанда да шешілуі тиіс", – дейді депутат.
Осы орайда, "AMANAT" партиясы Фракциясының мүшелері:
1) Осы "сақалды құрылысты" аяқтаудың амалын қарастыруды;
2) Шешім қабылдаған шенеуніктердің жауапкершілік деңгейін анықтауды;
3) Мұндай сорақылықтың қайталанбауы үшін құқықтық жағдай жасауды қарастыруды сұрайды.
Сауал премьер-министрдің орынбасары Ералы Тоғжановқа бағытталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
