/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
Конкурстан өтпеген судьялар ақша төлейді

Конкурстан өтпеген судьялар ақша төлейді

Бір айда 100-ден аса іс қарайтын судьлар мәселесі қалай шешілмек?  

26 Ақпан 2020 22:34 194

Конкурстан өтпеген судьялар ақша төлейді

Енді Сот Төрелігі академиясының түлектері судья болу үшін конкурстан өтуге міндеттеледі, деп хабарлайды Atameken Business.     

Бас тартқан жағдайда, оқуға кеткен шығынды мемлекетке өтеуі тиіс. Бос қалған орындарды биліктегілер осылай толықтырмақ. Жұмыс күшінің жетіспеуі, өзге қазылар үшін де қиындық тудыруда.

inbusiness.kz-ті қараңыз, оқыңыз :

Мейрамбек Таймерденов Жоғарғы сот судьясы болып сайланды

Судьялық қызмет еңбек өтілі 15 жылдан асады, оның ішінде басшы судья лауазымында 11 жылдан бері қызмет атқаруда.

14 Наурыз 2019 11:18 345

Мейрамбек Таймерденов Жоғарғы сот судьясы болып сайланды

Бүгін парламент сенатының жалпы отырысында Мейрамбек Таймерденов Жоғарғы сот судьясы болып сайланды, деп хабарлайды ҚазАқпарат.

«Сіздердің қарауларыңызға мемлекет басшысының Жоғарғы сот судьясы қызметіне Мейрамбек Таймерденовті сайлау туралы ұсынымы енгізіліп отыр. М. Таймерденов белгілі және тәжірибелі заңгер, прокуратура, әділет органдарында, сондай-ақ тікелей сот жүйесінде бірталай жыл еңбек етті. Судьялық қызмет еңбек өтілі 15 жылдан асады, оның ішінде басшы судья лауазымдарында 11 жылдан бері қызмет атқаруда», – деді ҚР Жоғарғы сот Кеңесінің төрағасы Талғат Донақов.

Палата депутаттары ұсынылған кандидатураны бірауыздан қолдады.

М. Таймерденов 1958 жылы туған, заңгер. Өзінің еңбек жолын заңгер мамандығы бойынша 1983 жылы Алматы облысы Қаскелең аудандық халық сотының сот орындаушысы қызметінен бастады.

1993 жылдан 1997 жылға дейін прокуратура органдарында қызмет істеді. 1997 жылы сәуір айында Алматы облысы Жамбыл аудандық сотының судьясы болып тағайындалды. 1999 жылы Алматы облыстық сотының судьясы. 2001-2005 жылдары Әділет министрлігі Тіркеу қызметі комитетінің төрағасы. 2006 жылы ҚР Жоғарғы сотының жанындағы Сот әкімшілігі жөніндегі комитет төрағасының орынбасары қызметіне келді.

2007-2012 жылдары Алматы облыстық сотының төрағасы. 2012 жылдың наурызынан бастап Алматы қалалық сотының төрағасы.

2013 жылғы желтоқсаннан қазіргі уақытқа дейін Алматы облыстық сотының төрағасы лауазымында болды.  

Жоғары сот кеңесінің құрамы жаңарады

ЖСК-нің қазіргі мүшелерінің өкілеттігі аяқталды.

05 Ақпан 2019 15:57 661

Жоғары сот кеңесінің құрамы жаңарады

Жоғары сот органының кезекті жалпы отырысында ЖСК-нің қазіргі мүшелері Әділ Құрықбаевтың, Ардақ Балағұмарованың, Мұрат Хожабергеновтың және Ләззат Күдекованың өкілеттіктерінің аяқталуына байланысты Жоғары сот кеңесінің құрамына кандидатуралар талқыланды, деп хабарлайды Жоғарғы соттың баспасөз қызметі.

Заң бойынша ЖСК мүшелері болып тағайындалатын кандидаттарды облыстық соттардың жалпы отырыстары ұсынған судьялардың ішінен Жоғары сот органы төрағасының ұсынуы бойынша Жоғарғы соттың жалпы отырысы сайлайды. Осы ретте кандидаттар Жоғарғы және облыстық соттардан бір-бір адамнан, ал аудандық соттан екі адамнан ұсынылады.

Жақып Асанов Жоғарғы соттың судьясы Мейрам Жанғуттиновтың кандидатурасын жалпы отырыстың қарауына енгізді, сондай-ақ Шығыс Қазақстан облыстық сотының, Астана қаласы Сарыарқа аудандық сотының және Алматы қаласы Медеу аудандық сотының судьялары Нурмаханбет Елемесовты, Жанира Пернеқұлованы және Ел-Назар Манаповты таныстырды. Олардың судьялық жұмыста үлкен өтілі бар, заңтану саласында білікті мамандар, принциптілік және адалдық сияқты жоғары моральдік қасиеттерге ие.

Жалпы отырысқа қатысушылар аталған адамдарды ЖСК құрамына енгізу үшін бірауыздан дауыс берді.

Жаңалықтарға жазылу: