Салтанатты шара барысында Алмазбек Атамбаев заңға өзгертулер енгізу туралы бастамаға ел азаматтары қолдау көрсеткенін атап өтті, деп хабарлайды 24.kz.
11 желтоқсанда өткен жалпыхалықтық референдум нәтижесінде ата заңға 40-қа жуық өзгертулер мен толықтырулар енгізілген болатын.
Қырғыз елінің басшысы жаңа Конституция президент өкілеттілігін азайтып, Парламент пен Премьер-министрдің құзіретін кеңейтетінін айтты.
Сондай-ақ, Алмазбек Атамбаев ата заңды халыққа жария ету туралы жарлыққа қол қойды. Ал ел үшін ең маңызды құжаттың 4 көшірмесі парламент, үкімет, жоғарғы сот пен конституциялық палатаға табыс етілді. Құжаттың түпнұсқасы президент әкімшілігінде сақталмақ.
Айта кетейік, Қырғыз Республикасында соңғы 22 жылда ата заңға 7 рет өзгеріс енгізілген.
