Конституциялық Кеңес Мәжіліс депутаттарының Ата Заңымызға өзгерістер енгізу туралы өтінішін тексеруге кірісті

613

Конституциялық Кеңестің қандай шешім шығарғаны бұқаралық ақпарат құралдарында жарияланатын болады.  

Конституциялық Кеңес Мәжіліс депутаттарының Ата Заңымызға өзгерістер енгізу туралы өтінішін тексеруге кірісті

Конституциялық Кеңес Мәжіліс депутаттарының Ата заңымызға өзгерістер енгізу туралы бастамасын тексеру үшін өндіріске қабылдады, деп хабарлайды Atameken Business.

Мұндай өтінішті Кеңеске Президент Қасым-Жомарт Тоқаев жасаған. Яғни Кеңес депутаттардың ұсынысы Конституцияның 91-бабының 2-тармағында белгіленген талаптарға қаншалықты сәйкес келетінін анықтайды. Ал Ата заңымыздың бұл бабында "Конституцияда белгіленген мемлекеттің тәуелсіздігі, біртұтастығы, басқару нысаны, қызметінің түбегейлі принциптері өзгермейтіні көрсетілген.

Еске сала кетсек, Қасым-Жомарт Тоқаев Жолдауында биыл кезектен тыс президенттік сайлау өткізуді ұсынған болатын. Сондай-ақ Президенттің мандатын қайта сайлау құқығынсыз 7 жылға созып, бір мерзіммен шектеу қажеттігін айтты.

Бұл бастаманы күзгі президенттік сайлаудан кейін Парламентке енгізетінін жеткізді. Ал Мәжілістегі "Жаңа Қазақстан" депутаттық тобы болса, өткен жұмада 7 жылдық мандат туралы ережені Конституцияға Президенттің кезектен тыс сайлауына дейін енгізуді ұсынды.

Сонымен қатар депутаттар елордамызға бұрынғы атауын қайтаруды да ұсынды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу