Жаңа Конституция жобасында адам құқықтары мен бостандықтары толық сақталған. Бұл туралы Конституциялық реформалар жөніндегі комиссияның кезекті отырысында Адам құқықтары жөніндегі уәкіл Артур Ластаев айтты, деп хабарлайды inbusiness.kz сайты.
Оның сөзінше, жаңа Конституция жобасында адам құқықтары мен бостандықтары толық сақталған, ал бірқатар бағыттар бойынша күшейтілген.
"Ел тарихында алғаш рет Преамбулада азаматтардың құқықтары мен бостандықтарын мүлтіксіз сақтау қағидаты жарияланып отыр. Енді бұл мемлекет қызметінің негізгі қағидаттарының бірі ретінде бекітілді. Оның енгізілуі адам құқықтарының басымдығын барлық негізгі қоғамдық институттардың ДНҚ-сына енгізеді. Бұл мемлекет пен оның азаматтары үшін құндылықтық бағдарларды айқындайды", – деді Адам құқықтары жөніндегі уәкіл.
Артур Ластаев адам құқықтарына арналған бөлімнің атауының өзгеруіне де назар аударды.
"Қарапайым тілмен айтқанда, "Мен істей аламын", "Мен таңдаймын", "Мен міндеттімін". Бұл ұғымдар жеке және қоғамдық мүдделер арасындағы тепе-теңдікті сақтау үшін рұқсат етілген, еркін және міндетті мінез-құлықтың шегін белгілейді", – деді ол.
