Алматыда халықаралық ынтымақтастық аясында Ансан қалалық кеңес мүшесі Джон Хо Джеонның басшылығымен кореялық бизнес-делегациямен кездесу өтті. Бұл туралы қала әкімдігінің баспасөз қызметіне сілтеме жасап 7 күн хабарлайды.
Кездесуде қонақтар Қазақстан мен Оңтүстік Корея Азиядағы жетекші мемлекеттер екенін атап өтті. Осы себепті де екі ел бизнес әріптестікті белсенді дамытып отыр.
2016 жылдың қаңтар-қазан аралығында Алматы қаласы мен Корея арасында тауар айналымы 110 млн АҚШ долларын құрады, соның ішінде экспорт – 1 млн доллар, импорт – 109 млн доллар. Қазіргі кезде Алматыда 185 бірлескен және 493 кореялық кәсіпорын тіркелген.
Баспасөз қызметі хабарлағандай, кездесу кезінде Джон Хо Джеон Алматының инвестициялық тартымды қала ретінде үлкен әлеуетін атап өтті.
