Армия авиациясының ұшқыштары 8-13 маусым аралығында жанып тұрған отқа 3500 тоннадан астам су құйды, деп хабарлайды inbusiness.kz тілшісі.
Жағдайды ескере отырып, Қарулы Күштердің 600 адамнан тұратын әскери қызметшісі, 50 бірлік техника және 7 Ми-17 және Ми-171Ш тікұшақтары Шүлбі, Талица, Озерки, Жерновка және Барышевка елді мекендеріне жөнелтілді.
Ауадан жағдайды бақылау үшін үш ұшқышсыз ұшу аппараты қолданылды. 3 арнайы құрлық тобы жұмыс істейді, олардың іс-әрекеттерін "Восток" РМҚК жедел штабының 12 әскери қызметшісі үйлестіреді.
"Әр экипаждың ауысуы төрт сағатқа созылады (бұл қолданыстағы норма). Бір ауысым кезінде тікұшақтан 30–дан 35-ке дейін су төгіледі, яғни орта есеппен 100 тонна су құйылады", - деп статистиканы 30131 әскери бөлімі командирінің орынбасары подполковник Руслан Юмашев айтты.
69 адамнан тұратын 23 ұшу экипажы нақты және үйлесімді әрекет етуде. "Бір мақсатқа алты тікұшақ" тактикасын қолдана отырып, 40 секунд ішінде бір ошаққа 30 тонна су құйылады.
Айта кету керек, әскери қызметшілер қажетті тамақпен қамтылған. Оларға демалуға және күштерін қалпына келтіруге уақыт беріледі.
Ауқымды апат аймағында қарулы күштердің барлық бөлімшелерінің іс-қимылдарын үйлестіруді Қорғаныс министрі генерал-полковник Руслан Жақсылықов жүзеге асырып жатыр.
Төтенше жағдайлар министрлігінің жедел штабымен, жергілікті Әкімшілікпен бірлесіп, ол жеке құрамға міндеттерді айқындайды.
