Осы жылдың қаңтар-шілде айларында мемлекеттік басқару және қорғаныс, міндетті әлеуметтік қамсыздандыру саласындағы негізгі капиталға салынған инвестициялар 69,5 млрд теңгені құрады. Бұл былтырғыға қарағанда құндық мәнде 43,2 пайызға артық. Көрсеткіштің нақты өсуі 36,6% болды, деп жазады inbusiness.kz finprom.kz порталына сілтеме жасап.
Өңірлік бөліністе сектордағы инвестициялардың ең үлкен көлемі Алматыға тиесіоі: 18,3 млрд теңге. Үздік үштік қатарында Түркістан (9,7 млрд теңге) және Маңғыстау (6,3 млрд теңге) облыстары да бар. Ең аз инвестиция көлемі Ұлытау облысына құйылды: 36,3 млн теңге.
Көрсеткіштің айтарлықтай жылдық өсімі Маңғыстау облысында, ең үлкен қысқаруы Астанада тіркелді.
Секторда негізгі капиталға салынған инвестициялардың басым бөлігі жергілікті бюджеттен есебінен қамтамасыз етілді: 36,7 млрд теңге. Республикалық бюджеттен – 17 млрд теңге, банктік емес қарыз қаражатының көлемі 13,3 млрд теңгеге дейін өсті. Инвестициялық портфельдегі кәсіпорындардың меншікті қаражаты 2,5 млрд теңгені құрады.
